20 ka tirsan argagixisada Al-Shabaab ayaa lagu dilay deegaanka Goof Gaduud oo qiyaasti 30 km ujirta magaalada Baydhabo ee Gobolka Baay.
Howlgal qorsheysan oo ay fuliyeen ciidanka xoogga dalka ayaa waxa ay sidoo kale ku dhaawaceen 30 kale oo ka tirsan Al-Shabaab, kadib markii ay soo weerareen fariisimo ay ciidamada Xoogga Dalka ku layaaheen deegaanka Goof Gaduud.
Saraakiil ka tirsan Ciidanka Xoogga Dalka Soomaaliya ayaa sheegay in laga warqabay weerarka Nabadiidka Al-Shabaab, isla markaana ay ciidamada qorsheynayaan sidii guud ahaan deegaannada Koonfur Galbeed looga ciribtiri lahaa, si dib la isugu furo waddooyinka Gobollada Baay iyo Bakool.
Dhawaan ayay ahayd markii saraakiil ka tirsan ciidanka xoogga dalka ay shaaca ka qaadeen in goor dhaw la fulin doono howlgal balaaran oo lagu cirib tirayo argagixisada Al-Shabaab ee ku dhuumaaleysaneysa deegaannada Koonfur Galbeed.
