Maanta oo kale 3-dii December ee 2009-kii waa maalin xusuus gaar ah u leh umadda Soomaaliyeed kadib markii Qarax lala beegsaday munaasabad qalinjibin ah oo ay ka qeyb-galaayeen arday ka qalin jebinaysay jaamacadda Banaadir, macallimiinta jaamacadda, waalidiin iyo xubno ka socdey dowladii KMG aheyd, taasoo ka dhaceysay hotelka Shaamow ee Muqdisho.
Dadka maalintaasi ku dhintay qaraxaasi dhaf halagnimada ahaa waxaa ka mid ahaa Wasiirkii caafimaadka Drs Khamar Aadam, Wasiirka tacliinta sare Ibrahim Caddow, wasiirkii waxbarashada Axmed Cabdulaahi Waayeel, Suxufiyiin, Arday, waalidiin, iyo dhaqaatiir caan ah sida Professor Maxamed Aadan oo loo yaqiin Dr.Shahiid.
Related posts
Sidoo kale dad u badnaa ardaydii qalin jebinaysay iyo waalidiintii ka soo qeyb-gashay Xafladaasi qalin jibinta aheyd ayaa ku dhaawacmay Xasuuqaas ay geesteen Kooxda Argagixisada ee Alshabaab.
Argagixisada waxay ka soo horjeedaan SunnadiiΒ Eebe u abuuray aduunka, waxayna ku faanaan burburinta nolosha guud ee umadda Soomaaliyeed, waxaana malahoodu yahay in ay Fitnadaasi Alle ugu dhawaanayaan, balse xaqiiqdu taas waa ka duwan tahay oo Camalka wanaagsan ee Alle loogu dhawaado waa tan lagu badbaadiyo nolosha aadanaha, xoolahooha iyo waxyaabaha kale ee ay gaarka u leeyihiin ,tan kale acmaasha wanaagsan waa tan ka hor tagta Β dhaqamada horseedi kara burburka iyo halaagga.
Culimada Soomaaliyeed,Culumada Al-Azhar Al-shariif ee Dalka Masar iyo kuwa kale ee Caalamka Muslimiinta ayaa marar badan ka hadlay dhaqanada xun xun ee Maleeshiyaadka Argagixisada ay ku dhibaateeyaan Dadka Muslimiinta,iyagoo sheegay inay baal marsan yihiin Diinta Islaamka ee suuban.
Hadaba Kooxahan dhagar-qabaaysha ah oo had iyo jeer u taagan daadinta dhiigga Umadda Soomaaliyeed waxaa la isla gartay in ay yihiin cadaw waxaana haboon in meel looga soo wadajeesto oo gacan xoogan la siiyaa soo-majeestayaasha Ciidankeena Qaran oo hadda kujra Howlgallo ka dhan ah Argagixisada ayagoo khaarajiyay Horjoogayaal iyo Maleeshiyaad ka tirsanaa Kooxahan.
