Roobabaka lixaada leh ee xalay ka da’ay magaalada Cadaado iyo nawaaxigeeda ayaa meelaha qaar ka geystay qasaaro saamayn leh.
Wadada dheer ee Laamiga ah oo muhiim u ah isu socodka gobolada dhexe ayaa dhawr meelood biyaha daadka ah waxa ay jareen laamiga.
Dad isxilqaamay oo isugu jira dhallinyarada iyo ganacsatada magaalada Cadaado ayaa bilaabay inay wax ka qabtaan meelaha daadadku ay laamiga ka kooyee.
Cabdinuur Maxamed kadiye oo ka mid ah dhallinyrada hawshan dayactirka ah bilaabay ayaa Radio Muqisho u sheegay in ay ka shaqaynayaan inaysan wadadu go’in, ayna ku simayaan dayactir kan ka balaaran inta la samaynayo.
Cabdiqaadir Caroog ayaa isna ugu baaqay bulshada deegaanka inay ka qayb qaataan hawshan lagu dayactirayo wadada laamiga ah oo ah mid muhiim u ah.
Xilli Roobaadka Dayrta ayaa si xoogan kaga da’aya gobolada dhexe, iyadoo saacadihii la soo dhaafay la soo warinayay in deegaanada qaarkod ay guryo dumeen.
Maxamuud Cabdi Diirshe
