Shirkan oo ay soo qaban qaabisay Wasaaradda Haweenka iyo Horumariinta xuquuqda hawenka ayaa waxaa ka qeyb galay Wasiirka Wasaaradda Haweenka, Agaasimaha guud ee Waasaaradda, Agaasimaha Waaxda Jinsiga iyo xubno ka kala socday Wasaaradaha xukuumadda ee qeybta jinsiga qaabilsan.
Kulanka ayaa intii uu socday waxaa lagu lafa guray sida lagu heli kari sharci ku saabsan arrimaha gudniinka oo bulshada qaar ay dhibaatooyin ku qabaan.
Agaasimaha Waaxda Jinsiga ee Wasaaradda Haweenka ee Xukuumadda Soomaaliya Sacdiyo Maxamed Nuur ayaa sheegtay in sharcigan uu muhiim u yahay dalka, isla markaana kaqeyb galayaasha looga baahanyahay inay tallooyin ku soo biiriyaan si lo heli sharci arrimaha gudniinka ku saabsan.
Wasiirka Wasaarada Haweenka iyo xuquuqda aadanaha Sahro Maxamed Cali Samatar ayaa sheegtay in kulanka uu yahay mid looga hadlayo sharci u sameynta arrimaha gudniinka, waxaana ay intaa raacisay xubnaha ka socda Wasaaradaha dalka looga baahanyahay inay door ku yeeshaan sameynta sharcigan, ayna qaban doonaan kulamo kale oo looga tala gelin doono qeybaha bulshada.
