Wafdi uu hoggaaminayo Wasiirka Arrimaha Gudaha iyo Federaalka ee Xukuumadda Soomaaliya Mudane Cabdiraxmaan Maxamed Xuseen Odowaa oo uu wehliyo Taliyaha ciidanka Booliska Soomaaliyeed Sareeyo Gaas Maxamed Sheekh Xasan Xaamud ayaa gaaray Dalka Tunisia, iyagoo kaga qayb gali doona shirka Wasiirrada Arrimaha Gudaha ee dalalka Jaamacadda Carabta oo berito furmi doona magaalada Tunis ee xarunta dalka Tunisia.
Wasiirka iyo taliyaha booliska ayaa kulamo hor u dhac ah la qaatay mas’uuliyiin ka tirsan dowladda Tunisia, kuwaasi oo ay ka wada hadleen xoojinta xiriirka Soomaaliya iyo Tunisia, iyagoo isla meel dhigay oo ay ka midtahay in dowladda Tunisia ay ka qeyb qaadato dib u dhiska dalka.
Sidoo kale kulanka ayaa looga hadlay arrimo ay ka midyihiin tayaynta iyo qalabeynta ciidanka booliska Soomaaliyeed, waxaana ay uga warbixiyeen horumarada la taaban karo ee ay ku talaabsatay dowladda Soomaaliya.
