Shir saxafadeed magaalada Muqdisho uu ku qabtay Gudoomiya Guddiga Dib u heshiisinta Qaranka Ismaaciil Macalin Muuse oo ay goobjoog ka hayeen Xubnaha Guddiga ayuu kaga hadlay Dadaalada dib u heshiisiineed ee dowladdu ay wado.
Guddoomiyaha ayaa bogadiyay dadaallada Madaxweynaha, Raโiisul wasaarahaย iyo Xukuumadda ay ugu jiraan ku qancinta dhaqanka Gobolka Hiiraan shirka maamul u sameynta labada Gobol ee Hiiran iyo Shabeelaha dhexe iyo dadaalka Puntland looga qancinayo hanaanka doorashada.
Related posts
โWaxana dowladda ku amaanayaa dadaallada ay ugu jirto in odayaasha dhaqanka Hiiraan lagu qanciyo shirka maamul u sameynta Gobollada Hiiraan iyo Shabeelaha Dhexe, sidoo kale Raโiisul wasaaraha waan ku amaanayaa joogitaankisa Puntland si loo qanciyo Maamulka Puntland hanaanka doorashada ee sanadkan aynu ku jirno lagu qaban doono dalkaโayuu yiri Ismaaciil Macalin Muuse.
Guddiga dib u heshiisinta ayaa sidoo kale taageray heshiisinkii dhawaan Dowlad Gobleedka Jubbaland iyo siyaasiyiinta ka soo horjeeday ay ku saxiixdeen magaalada Kismaayo.
โMadaxweynaha Jubbland waxaan ku amaanaya heshiiskii taariikhiga ahaa ee maamulka Jubbaland iyo siyaasiyiin diidan ay ku gaareen magaalada Kismaayo waxa ay muujisay sida uu uga dulqaatay Madaxweynaha Maamulkaasi Axmed Maxamed Islaam in xal la gaaro arrintanโayuu hadalkiisa ku daray Guddoomiyaha guddiga dib u heshiisiinta Qaranka.
Guddoomiyaha Guddiga ayaa ku baaqay in loo midoobe Maamulka Galmudug lana qanciyo Ahlusuna, waxaana uu yiri โWaxaan leenahay halaga gudbo khilaafka, haloo midoobe Dowlad Gobleedka Galmudug, Ahlusuna waxaan leenahay iyaga door halaga siiyo Dowlad Goboleedka, dhankoodana ha qaateen heshiiskaโ.
Gudiga Dib u heshiinta Qaranka ayaa ugu dambeyn sheegay in xalka wadanku uu ku jiro inay wada hadlaan bulshada Soomaaliyeed, waxwalbana loo maro dhabaha Nabadda iyo wada hadalka.
