Mas’uuliyiinta Wasaaradda Awqaafta iyo Diinta ee xukuumada Soomaaliya oo muujinaya kaalinta ay ka qaadan karaan waxka qabashada abaaraha iyo dhibaatooyinka kale ee dalka kajira, ayaa kulan la qabatay culimaa’udiin iyo waxgarad, si bulshada ay ugu baraarujiyaan Alle bari iyo roob doon laga sameeyo guud ahaan dalka.
Culimada kulanka ka qeyb galay ayaa muujiyey muhiimada in la sameeyo roob doon, Allahna la weydiisto dambi dhaaf si looga baxo dhibaatooyinka, sidaasi oo kalena waxa ay soo bandhigeen talooyin la xiriiray qaabka loo sameynayo roob doonta.
Agaasimaha guud ee Wasaaradda Awqaafta iyo Diinta ee xukuumada Soomaaliya Mudane Cumar Faaruuq C/casiis Cismaan ayaa madasha kusoo bandhigay qodobadii la isku raacay ee culimadu ay ku taliyeen.
Mudane Maxamed Kheyrow Aadan Xoghayaha joogtada ah ee Wasaaradda Awqaafta iyo Diinta ayaa ayaa tilmaamay in ujeedka kulanka uu yahay sidii Alle bari loo sameyn lahaa iyo roob doon, si dhibta abaaraha ka dhashay uu Alle uga dulqaado.
C/qaadir Sherkh Cali Ibraahim Wasiirka Wasaaradda Awqaafta iyo Diinta ee Xukuumada Soomaaliya, ayaa u jeediyey maamulada kajira dalka in ay ka qeyb galaan hirgalinta qodobada kasoo baxay kulanka, oo sida uu sheegay sahli kara in ay yaraadaan abaaraha dalka kajira.
Sawir Qaade:_ Maxamed Cabdullaahi Feereysane
