Xukuumadda Soomaaliya ayaa shaacisay in ciddii tabasho ka qabta dhismaha dowlad goboleedka Hirshabeelle ay la xaajoon doonaan, si loo helo dowlad goboleed ay ku mideysanyihiin bulshada degta Gobollada Hiiraan iyo Shabeelaha Dhexe.
Wasiirka Arrimaha gudaha ee Xukuumada Soomaaliya Mudane Cabdiraxmaan Maxamed Xuseen Odowaa oo hadal kooban ka jeediyay xafladdii dhaarinta Xildhibaannada cusub ee maamulka Hirshabeelle ayaa xusay inay u joogaan xalinta wixii cabasho tirsanaya, isagoo tallaabo wanaagsan ku tilmaamay geedi socodka shirka.
“Hambalyo Xildhibaanada dowlad goboleedka Hirshabeelle ee la dhaariyay, waxaa idin horyaalo howlo muhiim ah, waxa ka mid ah doorashada Guddoonka Sare ee Barlamaanka Dowlad goboleedka, Dooraashada Madaxweynaha iyo Madaxweyna ku xigeenka waliba ka hor 15 ka bishan iyo soo xulista Xildhibaanada aqalka sare ee dowlad goboleedka Hirshabeelle ku matalaya Barlamaanka Federaalka”ayuu yiri Wasiir Odawaa
