Madaxweynaha dowladda Federaalka ah ee Soomaaliya Mudane Xasan Sheekh Maxamuud iyo wafdi uu hogaaminayo ayaa gaaray magaalada Jowhar ee xarunta Dowlad goboleedka Hirshabeelle, halkaasi oo lagu qaban doono xafladda lagu caleemo saarayo Madaxweynaha iyo ku-xigeenkiisa ee dowlad goboleedka Hirshabeelle.
Wafdiga Madaxweynaha ayaa waxaa halkaasi ku soo dhaweeyay mas’uuliyiin ka tirsan dowladda Federaalka ah, xubno ka tirsan dowlad goboleedka Hirshabeelle iyo dadweyne aad u fara badan.
Ammaanka magaalada Jowhar ayaa si weyn loo adkeeyay, iyado ay halkaasi ku qul qulayaan wafuud heer caalami ah, si ay uga qeyb galaan xafladda lagu caleemo saarayo Madaxda dowlad goboleedka Hirshabeelle.
