Iyadoo ay jiraan baahiyo dhanka nolasha ah oo heysta kumanaan qoys oo isugu jira barakacayaal iyo dad danyar ah oo ku nool deegaanada dowlad Gobaleedka Galmudug, isla markaana u baahan caawinaad iyo gar gaar deg deg ah ayaa waxaa maanta Wasiiru Dowlaha Wasaarada Arrimaha Gudaha iyo Dowladaha Hoose ee Galmudug Cumar Maxamed Diiriye uu xariga ka jaray xafiis markii u horeysay Hay’adda Care International ay ku yeelato Galmudug
Munaaasabadda oo ay ka qeyb galeen mas’uliyiin ka tirsan Galmudug iyo madax ka socatay hay’adaasi ayaa waxaa ugu horeyn ka hadlayย Wasiiru Dowlaha Wasaaradda arrimaha Gudaha iyo Dowladaha Hoose ee Galmudug Cumar Maxamed Diiriye oo xusay in ay ku faraxsan yihiin in Hay’adda care ay xafiis ka furato markii ugu horeysay deegaannada Dowlad Gobaleedka Galmudug ayna ka rajeynayaan in ay wax weyn ka qaban doonto baahiyada dhanka adeegyada bulshada ee ka jira deegaanada Galmudug
Related posts
Asli Axmed Maxamuud oo ka mid ahayd mas’uuliyiin ka socata Hay’adda Care ayaa dhankeeda ka mahad celisay in dowlad gobaleedka Galmudug ay ka ogalaadaan in markii u horeysay ay xafiis ka furtaan deegaanada Galmudug, iyadoo xustay in ay door muuqda ka qaadan doonaan caawinaada iyo gar gaarka bulshada reer Galmudug.
