Munaasabad uu xilka kula wareegayay Agaasimaha Guud ee Wasaaradda Waxbarashada, Hidaha iyo Tacliinta sare ee Xukuumadda Soomaaliya Mudane Xasan Maxamed Cali ayaa maanta lagu qabtay magaalada Muqdisho, kaasi oo ay ka qeyb galeen mas’uuliyiin kala duwan.
Wasiir ku-xigeenka Wasaaradda Waxbarashada ee Xukuumadda Soomaaliya Mudane Faysal Cumar, Wasiiru Dowlaha Wasaaradda iyo Marti sharaf kale ayaa ka soo qeyb galay Munaasanada.
Xasan Maxamed Cali Agaasimaha Guud ee Wasaaradda Waxbarashada, Hidaha iyo tacliinta sare ee Soomaaliya ayaa xilka waxa uu kala Wareegay Maxamed Cabdulqaadir Nuur oo ahaa Agaasimaha Waxbarshada Aas aasiga iyo Ismaaciil Yuusuf Cusmaan oo ahaa Agaasimaha Hidaha iyo Taclinta Sare.
Agaasimaha Guud ee Wasaaradda Xasan Maxamed Cali oo la kulmay shaqaalaha ayaa balanqaaday in uu u shaqeyn doono si cadaalad ah, isla markaana uu ka codsaday in ay la shaqeeyaan, isagoo u mahadceliyay agaasimeyaashii hore howsha ay qabteen.
Wasiir ku-xigeenka Wasaaradda Waxbarshada, Hidaha iyo Taclinta sare Faysal Cumar oo halkaasi ka hadlay ayaa sheegay in looga fadhiyo Agaasimaha cusub in uu sii amba qaado horu socodka howlaha Wasaaradda horyaalla.
