Madaxweynaha cusub ee maamulka Hirshabeelle Maxamed Cabdi Waare oo wareysi gaar ah siiyay Radio Muqdisho ayaa ka hadlay Safarka uu ku marayo deegaano ka tirsan Gobalka Hiiraan iyo Arrimo kale oo badan.
Maxamed Cabdi Waare ayaa sheegay inuu kulan kula qaatay magaalooyinka Baladweyne iyo Buula-Burde odoyaasha dhanka iyo qaybaha Bulshada isla markaana uu kala hadlay Nabadda iyo sida ugu wanaagsan ee looga shaqayn karo horumarka deegaanada maamulka Hirshabeelle.
Madaxweynaha ayaa tilmaamay in xiligaan ay aad muhiim u tahay in laga wada shaqeeyo dib u heshiisiinta, isagoo tilmaamay in Maamulka uu madaxda ka yahay ay horseed u noqon doonaan arintaas.
