Madaxweynaha Dowlad Goboleedka Jubbaland Mudane Axmed Maxamed Islaam ayaa maanta gaaray Magaalada Muqdisho ee Caasimada Soomaaliya.
Safarka Madaxweynaha Jubbaland waxaa ku weheliyay xubno ka tirsan labada gole ee Dowlada iyo masuuliyiin kale.
Mas’uuliyiin ka tirsan Dowlada Federaalka ah iyo dadweyne kale ayaa Mudane Axmed Madoobe ku soo dhaweeyay garoonka diyaaradaha Aadan Cade ee magaalada Muqdisho.
Madaxweynaha Dowlad Goboleedka Jubbaland Axmed Maxamed Islaam wuxuu sheegay in ujeedada socdaalkiisu uu yahay shirka dhawaan ka dhacaya magaalada Muqdisho ee lagaga hadlayo ammaanka Soomaaliya.
“Maanta Cadowga kaliya ee aan leenahay ee dadkeena dilaya waa Al-Shabaab sidaas oo ay tahay weli waxaan rajaynayaa in loo midoobo oo si dhab ah loola dagaalamo” ayuu yiri Madaxweynaha Jubbaland.
Madaxweynaha dowlad Goboleedka Jubbaland wuxuu sheegay in dagaalka Argagixisadu uu u baahan yahay wadajir in loo wajaho oo aan cid gaar ah lagu halayn si dhibaatada dadka looga dulqaado.
