Ciidamada Asluubta Soomaaliyeed oo ku jira diyaargaroowgii ugu dambeeyay u dabaaldegidda munaasabada markii la aas aasay ciidanka Asluubta oo ku beegan 22 February, ayaa maanta waxaay soo bandhigeen gaaddo ka cayaar, kaasi oo ay ka qeyb galeen Wasiirka Cadaaladda Soomaaliya Mudane Xasan Xuseen Xaaaji iyo taliyaha Ciidanka Asluubta Soomaaliyeed Sareeyo Gaas Xuseen Xasan Cismaan, iyagoo salaan sharaf ka qaatay cutubyo ka tirsan ciidamada Asluubta.
Taliyaha Ciidanka Asluubta Soomaaliyeed Sareeyo Gaas Xuseen Xasan Cismaan ayaa boogaadiyay ciidamada howlaha ay hayaan ciidanka Asluubta, isagoo sheegay in maalinta khamiista oo ku beegan 22-ka bisha February ay ku beegantahay 48 guurada ka soo wareegtay aas aaska ciidanka Asluubta, ayna diyaar u yihiin inay dhigaan xuska munaasabadda ciidanka.
Wasiirka Cadaaladda Soomaaliya Mudane Xasan Xuseen Xaaaji ayaa tallaabo wanaagsan ku tilmaamay in ciidamada Asluubta u diyaargabaan xuska Munaasabadooda, isagoo sheegay ciidanku inay waxyaabo wanaagsan ay ku soo bandhigeen diyaar garowgii ugu dambeeyay ee ay ku jireen xuska sanad guurada aas aaska ciidanka.
Maalinta Khamiista ayey ku beegantahay 48 sano guradii ka soo wareegatay aas aaska ciidanka Asluubta Soomaaliyeed 22-ka February ee sanadkii1970.
