Kulankan oo lagu soo bandhigayay shirciga lagu dhaqayo Gaadiidka noocyadiisa kala duwanย oo ay soo saartay Wasaaraddaย Gaadiidka iyo Duulista Hawada ee Xukuumadda Federaalka Soomaaliyed ayaa lagu qabtay magaalada Muqdisho.
Kulanka ayaa waxaaย ka soo qeyb galay Wasiiro, Xildhibaanno, Taliska ciidanka ilaalada Nabadgelyada Wadooyinka ee Taraafiko, gaadiidleyda qaar ka mid ah ganacsatada Gaadiidkaย iyo marti sharaf kale oo shirka lagu casuumay.
Related posts
Cisman Xasan Cilmi oo ku hadlayay magaca ganacsatada Gaadiidkaย ayaa sheegay inay soo dhaweynayaan sharacigan .
“Halkan in mar kale ay Wasaaraddu noogu yeerto soo bandhigistaย xeerkii lagu dhaqayay Gaadiidka noocyadiisa kala duwan, waan soo dhaweyneynaa in dib loo soo celiyo sharcigiiย gaadiidka oo dalkan lahaaย waxaana ku dareynaa wixii talo bixin ah”. ayuu yiri Cismaan.
Garyaqaankaย Guud ee Dowladda Federaalka Soomaaliya Dr Cismanย Cilmi Guuleedย oo ka hadlay kulanka ayaa tilmaamay inay tahay tallaabo lagu farxo.
“Xeerkani wuxuu ka midyahay in dib loo howl geliyo shuruucdii lagu dhaqi jiray Gaadiidka ee dalka horay u lahaa, si loo ilaaliyo dowladnimada,ย waxaadย ogsoontihiin markii dowladda la yiraahdo waxaa saldhig u ah in lagu dhaqmo sharciga,ย marka xeerkan waa xeer lagu hergelinayo dhamaan sharuucdii dalka u yiilay”ayuu yiri Garyaqaanka Guud ee dowladda.
Wasiirka Gaadiidka iyo Duulista Hawada ee Xukuumadda Soomaaliya Mudane Maxamed Cabdullaahi Salaad ayaa sheegay in sharcigan uu qeyb weyn kaย qaadanayo dhinaca Amniga.
“Sharcigan waxa uu qeyb weyn ka qaadanayaa xaqiijinta amniga, waxaana rajeynayaa in uu sharciga hirgelo” ayuu yiri Wasiirka.
Wasaaradda Gaadiidka iyo Duulista Hawada ayaa mudooyinkan wadayย howlo lagu dardar gelinayo horumarinta Gaadiidka iyo hirgelinta sharuucdii gaadiidka u degsanaa.
