Madaxweynaha Dawlad goboleedka Puntland Dr. Cabdiweli Maxamed Cali Gaas ayaa maanta 23 March 2018 ka qayb galay aas loogu sameeyey magaalada Garoowe ee caasimada Puntland Garyaqaanka guud ee Puntland AUN, Maxamed Muuse Ismaaciil Muuse.
Aaska loo sameeyey maanta garyaqaankii guud ayaa waxaa Madaxweynaha Puntland ku wehelinayey Madaxweyne ku xigeenka Puntland Eng. Cabdixakiin Cabdulaahiย Xaaji Cumar Camey, Guddoomiyehaย Baarlamaanka Puntland Mudane Axmed Cali Xaashi, Masuuliyiin ka tirsan goloyaasha Puntland, saraakiisha ciidamada, saraakiil ka tisan Madaxtooyada iyo qaybaha kaladuwan ee bulshada magaalada Garoowe.
Related posts
Ugu horayn Madaxweyanha Puntland Dr. Cabdiweli Maxamed Cali Gaas ayaa u tacsiyeeyey shacabka reer Puntland, qoyskii iyo qaraabadii uu ka baxay qaryaqqankii Guud ee Puntland Marxuum Maxamed Muuse Ismaaciil Muuse, isagoo Alle uga baryey in uu u naxariisto denbigiisana dhaafo, qabrigana u waasiciyo marxuumka.
“Waxaan halkaan isugu nimid aaska (AUN) garyaqaankii guud ee Dawlad goboleedka Puntland Marxuum Maxamed Muuse Ismaaciil illaahey ha’u naxariisto. Illaahay danbigiisa ha dhaafo, ehelkii iyo qaraabadii uu ka tageyna samir iyo imaan Allaha ka siiyo iyoย dhamaan shacab weynaha Puntland oo uu u’ahaa mudo garyaqaanka guud ee dawladda, runtiina ahaa nin wanaagsan oo sharqan yar oo qunyar socoda oo runtii aan isleeyahay nin aad u dhibyar buu ahaa AUN, shaqo wanaagsan buu dalka u hayey intii uu u soo shaqeenayey wuxuunaย ahaa nin shaqadiisa ka adag kuna asturan, kuna ceeb yar (AUN) Puntland iyo shacbigeedana waan uga tacsi yadeeynayaa dhammaanteedโ ayuu yidhi Madaxweynaha Dawlad Goboleedka Puntland Dr. Cabdiweli Maxamed Cali Gaas.
Ugu danbayn, Dr. Cabdiweli Maxamed Cali Gaas waxaa uu Illahay uga baryey inuu u naxariisto denbigiisana dhaafo marxuumka, camalkiisa inta wanaagsana Alle ku abaal mariyo, samir iyo iimaana Alle ka siiyo shacabka Puntland, eheladii, qarabadii iyo qoysaskii uu ka baxay.
