Gudoomiyaha Gobolka Shabellaha hoose oo ay wehliyeen Maamulka Degmada Bawaare iyo Saraakisha Ciidanka ayaa komeeray Suuqa weyn ee Degmada Baraawe si ay ugu kuur galaan Ganacsiga Suuqa iyo Baahiyaha ay qabaan Ganacsatada Suuqa Degmada.
Gudoomiyaha Degmada Baraawe Aadan Cumar Madoowe aya a sheegay in Suuqa Degmada Baraawe uu muhiim u yahay nolosha dadka Degmada iyo Deegaanda Hoosyimada intaba.
Gudoomiyaha Gobolka Shabellaha Hoose Ibraahim Najax ayaa tilmaamay in Maamulka Gobolka Shabellaha Hoose uu ka hirgelin doono Degmada Suuq weyn oo ay ku ganacsadaan Dadka Degmada oo dhan.
“Waxaa Qorshaheena kamid ah in aan furno Suuq weyn kaas oo dhamaan Dadka Soomaaliyeed ku ganacsan karaan sidoo kale muhiim u ah dhamaan Degmooyinka kala duwan ee Gobolka Shabeelaha Hoose waxaana ku rajo weyn nahay in aan dhawaan furno”.
Dhanka kale Gudoomiyaha Gobolka iyo Masuuliyiinta la socotay ayaa tagay Garoonka Kubbada Cagta Degmada Baraawe oo Todobaadkan Maleeshiyada Al Shabaab miino ay ku aasen Garonka ay ku dhinteen 6 qof kuna dhaawac meen 4 qof oo ka mid ahaa Shacabka Degmada Baraawe oo u soo dawasha tagay ciyaar kubaadda cagta ah oo u dhaxesay laba koox oo ka dhisan Degmada Baraawe, Sidoo kale waxaa ay tageen Isbitaalka weyn ee Degmada isagoo Warbixin ka dhagestay Dhaqaatirta Isbitaalka.
Gudoomiyaha Gobolka Shabellaha Hoose Ibraahim Najax aya tilmamaay in ay la xanuunsanayan Qoysaska ay ka geeriyoden dhalinyarda isago sheegay in Al Shabaab dhawaan laga xureyn doono guud-ahaan Gobolka Shabellaha Hoose.
