Wareysi uu siiyey Radio Muqdisho Madaxa Talaalka ee Degmada Xududr Cismaan Cali Ciise ayuu kaga hadlay Arrimo badan kuwaas oo ay kamid yihiin qaabka loo wajahayo Bixinta Talaalka iyo meelaha ugu muhiimsan ee laga bilaabayo.
Cismaan Cali ayaa sheegay in hadda Degmada Xudur ee Gobolka Bakool loo diyaar garoobayo Bixinta Talaalka Boolyadda kaas oo muhiimad gaar ah u leh Carruunta.
Kahor intaan aan si-rasmi ah loo bilaabin Bixinta Talaalka ayuu sheegay in Degmada Xudur iyo Deegaanada kale ee ka agdhow laga siibilaabayo Wacyi galinta Dadweynaha taas oo loogu sheego Faa’iidooyinka uu Talaalku Dadka u leeyahay.
“Talaalkan waxaan ugu tallo galnay Carruurta ka-yar Shanta Sano waana Boolyo waana kahor tag Cuduradda halista ah kuwaas oo Carruurta Dhibaato u geysta” sidaas waa yiri Cismaan Cali
Arrinta ayaa hirgalinteeda waxaa iska kaashanaya Hey’addaha WHO, UNICEF iyo Wasaaradda Caafimaadka ee Soomaaliya.
