Tababarkaan maanta la soo xiray ayaa lagu baranayay sida loo sameeyo Barnaamijyo tayo leh iyo maamulida Barnaamijyada Doodaha ah waxaana ka qaybqaatay ku dhowaad 20-ka mid ah Howlwadeenada Warbaahinta Qaranka.
Tababarkaan oo socday Mudo Shan maalmood ah ayaa waxaa bixinayay macalimiin ka socotay Hay’adda horumarinta Warbaahinta Caalamka ee dalka Finland ee magaceeda loo soo gaabiyo VIKAS.
Agaasimaha TVga Qaranka Mudane Liibaan Cabdi Cali oo ka hadlay munaasabada xiritaanka Tababarkaan ayaa u mahadceliyay macalimiinta ka socotay dalka Finland, wuxuuna sheegay in Tababarkaan uu wax badan ka badali soono tayada howlwadeenada Warbaahinta Qaranka.
Mudane C/rixmaan Yuusuf Sheekh Cadaala oo ah Agaasimaha Guud ee Wasaaradda Warfaafinta Dhaqanka iyo Dalxiiska ayaa asna kula dardaarmay Wiilashii iyo Gabdhihii ka qayb qaatay Tababarkaan in wixii ay barteen ay ku dabaqaan shaqada ay u haayaan Bulshada.
Howlwadeenada Warbaahinta Qaranka ee ka faa’iidaysay Aqoon is waydaarsigaan ayaa sheegay dhankooda inay wax badan barteen mudadii koobneyd ee uu socday siminaarkaan waxayna u mahadceliyeen macalimiinta Hay’adda horumarinta Warbaahinta Caalamka ee dalka Finland ee magaceeda loo soo gaabiyo VIKAS.
