Diyaarad sidday 22 Qof oo dhaawac ah ayaa soo gaartay Magaaladda Muqdisho kuwaas oo kamid ah dadkii ku dhaawacmay Deegaanka Dumay ee Gobolka Sool.
Diyaaradda ayaa markii hore ka qaaday Muqdisho gargaar Caafimaad oo Dowladda Soomaaliya ugu tallo gashay in lagaarsiiyo dadka ku dhaawacmay dagaalka si-xaaladooda Caafimaad wax looga qabto.
Waxaa lasocday Masuuliyiin katirsan Dowladda Soomaaliya oo uu kamid yahay Wasiirka Wasaaradda Kaluumeysigga iyo Qeyraadka Badda Cabdulahi Bidhaan Warsame.
22 Qof ayaa Diyaaraddu kasoo qaaday Magaalooyinka Garowe iyo Gaalkacyo kuwaas oo xaaladooda Caafimaad aad u adag tahay.
Xubno Wasiiro ah oo ay kamid yihiin Wasiirka Arrimaha Dibadda, Wasiiro Dowlaha Maaliyadda, Xildhibaano iyo Masuuliyin kale ayaa Garoonka ku sugayey Diyaaradda sidday dhaawacyadda kuwaas lasocday tan iyo intii lagageynayey Isbitaalka Ex Digfeer oo xaaladooda lagula tacaalayo.
Wasiirka Wasaaradda Kaluumeysigga iyo Qeyraadka Badda Cabdulahi Bidhaan Warsame oo kamid ahaa Wafdigga Dowladda Soomaaliya u xilsaartay arrintan ayaa sheegay in Dowladda Federaalka Soomaaliya dadaal badan ku bixineyso siddii arrintan wax looga qaban lahaa.
“Dhaawacyadda qaarkood aad ayey u jajaban yihiin qaarkood kalena aad ayey u liitaan waxaana u soo qaadnay siddii halkan loogu daweyn lahaa”. Wasiirka Kalluumeysigga ayaas sidaas sheegay
