Michael Cohen qareenkii hore ee Madaxweynaha dalka Mareykanka Donald Trump,ayaa lagu wadaa in maanta oo Arbaca ah maxkamad federal ah lagu saaro deegaanka Manhattan ee magaalada New York.
Cohen, oo ahaa Qareenkii Trump u qaabilsanaa maalgalinta ololaha doorashooyinkii uu ku soo baxay ,ayaa bishii hore lagu helay dambiyo kala duwan..
Qareenkaan oo 52-sano jir ah ayaa lagu wadaa in maanta uu ka soo hor muuqdo maxkamad ku taalla deegaanka Manhatan,halkaas oo lagu dhageysan doono xukunkiisa.
Qareenkaasi ayaa gacan ka geystay baaritaan socday muddo lagu ogaanaayey in dalka Rashiya uu lug ku lahaa doorashooyinkii uu ku soo baxay Trump,inkasta oo uu been u sheegay xubnaha Aqalka Kongreeska Mareykanka.
Waxaa laga yaabaa in Qareenkaasi lagu xukumo xabsi fudud,ka dib kaalintii uu ka qaatay soo ifbixii xog ku saabsaneyd eedeymo loo soo jeediyay Trump
