Guddoomiye ku-xigeenka labaad ee Golaha Shacabka ee Baarlamaanka Jamhuuriyadda Federaalka Soomaaliya Mudane Mahad Cabdalla Cawad oo maalmihii lasoo dhaafay safar Dalka Turkiga ugu maqnaa ayaa maanta dalka dib ugu soo laabtay.
Guddoomiyaha ayaa waxaa Garoonka Diyaaradaha Caalamiga ah ee Aadan Cadde kusoo dhoweeyay Wasiiro ka tirsan Xukuumadda Federaalka Soomaaliya, Xubnaha Guddiga joogtada ee Golaha Shacabka iyo sidoo kale Xildhibaano ka tirsan Golaha Shacabka, waxaana isagoo Warbaahinta kula hadlayay gudaha garoonka uu u mahad celiyay mas’uuliyiinta soo dhoweysay.
