Ciidamada Ammaanka ee ka howgala Magaalada Baladweyne ee gobolka Hiiraan ayaa Qarax miino oo Maleeshiyaadka Al Shabaab doonayeen in dadka shacabka ku dhibateeyaan kasoo saaray waddada isku xirta Baladweyne iyo Garoonka Diyaaradaha.
Waddada isku xirta Garoonka Ugaas Khaliif iyo Magaalada Baladweyne ayay Ciidanku ku guuleysteen in ay ka saaraan walxaha qarka oo Maleeshiyaadka Al Shabaab ay halkaas ku aaseen si ay dadka Soomaaliyeed ugu dhibateeyaan.
Miinadan ayaa waxaa soo saaray Ciidanka Nabad Sugidda ee magaalada Baladweyne ka howlgala iyaga oo kaa shanaya xog ay heleen oo u xaqiijisay in qarax lagu aasay waddada dhinaceeda si halkaas ay dhibaato ugu soo gaarto dadka waddaasi adeegsada.
Waddadan ay qaraxa galiyeen Al Shabaab ayaa waxaa ay muhiim u tahay isku socodka Magaaladda Baladweyne, iyadoona halkaas maraan gaadiidka dad weynaha, Sidoo kale waxaa mara gaadiidka Ciidanka iyo kuwa AMISOM.
Miinadaas ayaa waxaa loo qabtay labo qof oo looga shakisan yahay inay iyagu aaseen kadib howlgal balaaran oo Ciidanka sameeyeen.
Dhinaca kale Ciidanka Xoogga dalka oo kaashanaya shacabka ku dhaqan degmooyinka Jalalaqsi iyo Buulabarde ee gobolka hiiraan ayaa wadooyin isku xira degmooyinkaas ka sameeyeen howlgalo Al Shabaab lagu baacsanayo, iyadoona Ciidanka ay fureen Wadooyin horay ay u xireen Al-Shabaab oo u dhaxeeya labadaas degmo.
Sidda uu ku soo waramay Wariyaha Warbaahinta Qaranka ee gobalka Hiiraanย ย Ibraahim Muxudan Geedi.
Halkan ka dhageyso Warbixinta Wariye Ibraahim
Related posts
