Dowladda Soomaaliya ayaa dadaal badan ku bixineysa sidii qofkasta oo Soomaali ah uu ku heli lahaa daryeelka Caafimaad ee Aas-aasiga ah taas oo muhiimad gaar ah u leh Bulshadda danyarta ah.
Wasaaradda Caafimaadka Soomaaliya ayaa dhawaan magaalada Muqdisho ka daahfurtay Barnaamij loogu talo galay in lagu baahiyo adeegyadda Caafimaad iyadoo aanan cidna laga tageyn.
Haddaba si arrimahaas loo hirgaliyo ayaa waxaa muhiim ah in lahelo dhinacyo taageero dhan walba ah ka geysta.
Shir looga hadlayo Dhameystirka Caafimaadka ee guud ahaan dalalka Africa ayaa hadda ka socda magaalada Kigali ee dalka Ruwaandha Soomaaliya ayaana ka qeyb galeysa.
Masuuliyiinta shirkaas Soomaaliya ku mataleysa waxaa kamid ah Dr Jalaaludiin Yuusuf Axmed Madaxa Hogaanka Tayaynta Adeegga Caafimaadka ee Wasaaradda Caafimaadka dalka.
“Waxaan Joognaa Magaalada Kigali oo aan mar kale la leenahay Saaxibada Wasaarada Caafimaadka ee African Union aan ka wada midnahay iyo wadamada aan isku jaalka nahay dhanka Caafimaadka ee Africa” ayuu yiri Dr Jalaaludiin.
Waxaa kale oo uu intaas ku sii daray “Waxaa laga arrinsanayaa ka gun gaarka Barnaamjika Haqabtiran /. Dhameestiran ee Caafimaadka UNIVERSAL HEALTH COVERAGE. Iyadoo aan diirada saarayno daryeelka Caafimaadka Asaasiga ah joogtayntiisa , xoojintiisa iyo dhamaystirkiisa”.
Soomaaliya waxay ka mid tahay dhowr wadan oo ka faa’iideesan doono Mashruuc African Union Development Agency uu ka fulinaayo dalalka Africa sanadka mar uu gaaro 2020-2024.
