Wasiirka Batroolka iyo Macdanta Xukuumadda Federaalka Soomaaliya mudane Cabdirashiid Maxamed Axmed oo wareysi siiyay Raadiyaha iyo Telefishinka Qaranka ayaa sheegay in sharciga shidaalka uu yahay saldhiga bandhiga xermooyinka shidaalka.
Tifaftiraha guud ee Warbaahinta Qaranka Cabdishakuur Cali Axmed oo wareystay ayaa warbixintan inooga diyaariyay, waxaana Wasiirka Batroolka Cabdirashiid Maxamed Axmed uu Tilmaamay in Wasaaraddu ay soo bandhigtay ilaa todoba xermo oo shidaalka Soomaaliya oo tartankoodu bilaabanayo bisha Agoosto
Soo saarista Shidaalka waxaa saldhig u ah sharciga Qaranka ee shidaalka hanaankii uu soo maray sharcigaasi oo Madaxweynuhu saxiixay ayaa Wasiirku u xusay in sharcigan uu ahmiyad gaar ah u leeyahay dalka.
Wasiir Cabdirashiidiid waxa uu sheegay laba arimood oo kala ah dhismaha shirkad shidaalka iyo Hey’adda Qaran ee shidaalku in ay muhiim u yihiin soo saarista shidaalka.
Tartanka Shirkadaha doonaya iibsiga xermooyinka Shidaalka Soomaaliya ayaa bilaabaya bisha Agoosto ee sanadkan wuxuna socon doona ilaa Maarso 2021
Mudo 8-sano gudahood rajadu waa in Soomaaliya laga soo saaro shidaal sida uu tilmaamay Wasiirka Batroolka Cabdirashiid Maxamed Axmed.
