Diyaaradda Daallo oo sida 123 Mawaadiniin Soomaali ah oo muddo ku xayirnaa magaalada Jezaan ee dalka Boqortooyada Sacuudiga ayaa maanta gelinkii dambe ka soo degtay garoonka diyaaradaha Aadan Cadde ee magaalada Muqdisho.
Mawaadinidiin maanta diyaaraddu keentay waxa ay isugu jireen 102 rag ah, 12 dumar ah iyo 9 carruur ah, kuwaasi oo waqti dheer sugayay in dib dalkooda loogu soo celiyo, waxaana safarkooda soo noqoshada saameeyay cudurka safmarka ah ee dunida oo idil kala xiray ee COVID-19, waxaana dalkaasi ku haystay dhibaatooyin kala duwan.
Madaxweynaha dalka Mudane Maxamed Cabdullaahi Farmaajo iyo dowladiisa oo ka duulaysa dhibka haystay mawaadiniinta ayaa amray soo daad gureynta dadkani oo u badan kuwa nugul.
Diyaaraddan ayaa noqoneysa tii afaraad oo muwaadin Soomaaliyeed ka keenta dalka Boqortooyada Sacuudiga, waxaana dadka dib loogu soo celiyay dalkooda ay aad uga mahadceliyeen kaalinta dowladdu ay ka qaadatay
