Maamulka gobolka shabeellaha hoose ayaa maanta gargaar ka kooban qeybaha kala duwan ee raashinka u qeybiyay dad danyar ah oo ay saameysay fatahaad uu wabiga shabeelle ka sameeyay degmada Afgooye iyo deegaannada hoos yimaada.
Guddoomiyaha gobolka Shabeellaha hoose Ibraahin Aadan Cali “Najax” ayaa sheegay in 1,000 qoys (kun qoys) ay u qeybiyeen wajiga koowaad ee gargaar ay ugu tala galeen dadka danta yar ee ay fatahaadu saameysay isagoo sheegay in ay sii wadi doonaan qeybinta gargaarka.
“Wajiga koobaad ee qeybinta Gargaarka ayaa maanta u qeybinay 1.000(Kun Qoys) oo ay saameysay fatahaada wabiga Shabelle ee Afgooye, si nabad ah ayee ku qaateen waxaan sii wadeynaa qeybinta Gargaaarka”ayuu yiri Najax.
Guddoomiye Ibraahin ayaa sidoo kale sheegay in dadaalkooda ay isugu geeyeen u gurmashada dadka ay fatahaadu saameysay.
“Waxaan si dhaw ula soconaa dadka ay saameesay fatahaada innagoo dadaalkeena iskugu geenay sidaan Gurmad dag dag ah u gaarsiin lahen Muwaadiniinta ka barakacay Biyaha”
Degmada Afgooye iyo deegaannada hoos yimaada ayaa waxaa ka barakacay qoysas badan oo danyar ah kuwaas oo ay saameysay fatahaad wabiga shabeelle uu ka sameeyay halkaas,waxeyna xukuumadda Soomaaliya fartay wasaaradda maaliyadda in gurmad loo sameeyo dadkaas.
