Madaxweynaha dowlad Goboleedka Galmudug Axmed Cabdi Kaariye ayaa maanta dib ugu laabtay Caasimadda Galmudug kaddib socdaal hawleed oo qaatay labo isbuuc ah oo uu kaga maqnaa deegaannada Galmudug.
Wefdiga Madaxweynaha Galmudug waxa garoonka diyaaradaha Ugaas Nuur kusoo dhaweeyay Madaxweyne Ku Xigeenka Galmudug, xubno katiran golleyaasha Xukuumadda iyo Baarlamaanka Galmudug, maamulka caasimadda yo qeybaha kala duwan ee bulshada Dhuusamareeb ku dhaqan.
Madaxweynaha Dowlad Goboleedka Galmudug Axmed Cabdi Kaariye (Qoor Qoor) oo hadal kooban siiyey Warbaahinta ayaa sheegay in shirka Dhuusamareb 3 waqtigii loo asteeyey uu ku qabsoomayo, ayna diyaar u yihiin marti gelinta shirka.
