Wafdi uu hogaaminayo sii hayaha wasiir ku xigeenka wasaaradda gadiidka iyo duulista hawada ee xukumadda federaalka Soomaaliya xirsi Rooble ee uu ka mid ahaa maareeyaha Hay’adda duulista rayidka Soomaaliyeed Axmed Macalin Xasan ayaa saakay ka degay Garoonka diyaaradaha ugaas nuur ee magaalada Dhuusamareeb ee xarunta gobolka Galmuud.
Wafdigaan oo ka socday dowladda Soomaaliya ayaa gaarsiisayay qalab loogu talagalay hormarinta Garoonka diyaaradah ugaas Nuur ee magaalada Dhuusamareeb si kor loogu qaado adeegyada Garoomada dalka.
Sidoo kale waxaa qeyb-ka aha shaqaalle loo tababaray howl-maalmeed garoonka kuwaasi oo koru qaadi doono adeegyada looga baahanyahay waxaana masuuliyiin ay sheegay in guud ahaan la xoojinayo adeegyada garoomaha dalka.
Wafigaan ayaa sidaan oo kale shalay dhagax dhigay qeybta baaritaannada Garoonka diyaaradaha ugaas Khaliif ee magaalada Baladweyne kaddib markii sidaan oo kale ay safar shaqo ku tageen magaaladaasi.
Sidoo kale waxaa la filayaa in maalmaha soo socdo ay tagaan garoomo kale oo ku yaala gobolka dalka kuwaasi oo lagu xoojinayo tayadooda iyo in kor loo qaado adeegyada loogu qabto bulshada Soomaaliyeed.
