Wasaaradda dhalinyarada iyo ciyaaraha ee xukumadda federaalka Soomaaliya ayaa si rasmi ah u shaacisay xilliga uu furmayo tartanka kubadda cagta ee dowlad goboleedka iyo gobolka banaadir kuwaasi haatan dhammaan lixda kooxaad ay ku sugan yihiin caasimada ee magaalada muqdisho.
Wasiiru-dowlaha wasaaradda dhalinyarada iyo ciyaaraha ee dowladda Soomaaliya Maxamed Xaaji Ibraahim Cali oo ka hadlay furitaanka isku aad tartanka kooxaha kubaadda cagta dowlad goboleedka iyo gobolka banaadir banaadir ayaa sheegay in shan iyo tobanka bisha soo socota uu bilaaban doono tartanka sida la qorsheeyay.
Mudane Maxamed Xaaji Ibraahim Cali ayaa sidoo kale in dowladda Soomaaliya ay ahmiyad gaar ah ay siineyso ciyaaraha dalka si ko loogu qaado is dhaxgalka iyo horumarinta dhalinyarada Soomaaliyeed.
Isku aadka Tartanka kubadda cagta dowlad goboleedyada iyo gobolka Banaadir ee #2020-ka ayaa loo kala qeybiyay labo guruub.
Guruubka koowaad waxaa isagu soo baxay kooxaha gobolka Banaadir,Galmudug iyo Hirshabeelle,halka guruubka labaad ay isku aadeen kooxaha Punland,Koofur galbeed iyo Jubaland.
Tartankii ugu dambeeyay ee dowlad goboleedyada iyo gobolka banaadir ayaa waxaa ku guuleysay kooxda kubadda cagta ee jubaland iyadoo ka guuleysatay kooxda kubadda cagta ee Punland.
Wasaaradda Ciyaaraha iyo dhallinyarada ayaa ku dhawaaqday in 15 bisha December uu bilaabanayo Tartanka kubadda cagta D/goboleedyada iyo gobolka Banaadir.
