Qaramada Midoobay ayaa qaban doonta berrito oo khamiis ah shir aan caadi ahayn kaasi oo looga hadlayo sidii looga hartagi lahaa faafidda iyo la dagaalanka cudurka halista ah ee Karoona Fayras.
Shirkaan ayaa socon doona laba maalin, waxaana ka hadli doona 141 mas’uul kuwaas oo ay ka mid yihiin 53 madaxwayne, 39 ra’iisal wasaare iyo 38 wasiir.
Liiska madaxda hadli doonta waxaa ku jira madaxda ururka caafimaadka Adduunka, Wakiilka sare ee qaramada midoobay u qaabilsan xuquuqda aadanaha iyo madaxa ururka shaqaalaha caalamiga ah.
In ka badan 64 malyan oo qof ayuu ku dhacay cudurka Karoona, waxaana u dhintay in ka badan hal malyan, halka ay ka caafimaadeen dad kor u dhaafaya 44 malyan.
