Maamulka Gobalka Mudug ee Galmudug ayaa xarumaha waa weyn ee Ganacsiga iyo Hay’adaha faray in ay qaataan warqadda aqoonsiga ee ay bixiyaan Maamulka Gobalka Mudug iyo Kan Degmada Gaalkacyo ee la xiriirta dhanka Nabadgelyada.
Guddoomiyaha Gobolka Mudug Mudane Cabdiraxmaan Cali Diiriye Isxal ayaa xusay in awaamiirtan ay la xariirta Amniga Gobolka Mudug, isla markaana ay quseyso cidkasta oo qaan gaar ah, isagoo bulshada qeybaheeda kala duwan faray inay u hogaan samaan awaamiirta ka soo baxday maamulka, ayna iska diiwana geliyaan laanta la dagaallanka Argaguxisada ee Gobolka Mudug.
Mudane Cabdiraxmaan Cali Diiriye Isxal ayaa tilmaamay in talaabo sharciga waafaqsan laga qaadi doono ciddii aan warqadaas wadan ee la arko iyadoo howl ka qabaneysa Gobalka Mudug.
