Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Maxamed Mursal Sheekh Cabdiraxmaan ayaa ka tacsiyadeeyay geerida Allaha u naxariistee Xildhibaan Axmed Dhimbil Rooble ( Casoowe) oo ka tirsanaa Xildhibaannada Golaha Shacabka ee Barlamaanka Soomaaliya, kaasoo ku geeriyooday magaaladda Muqdisho.
“Innaa lillaah waa innaa illeehi raajicuun waxaan guud ahaan Shacabka Soomaaliyeed, gaar ahaan qoyskiisa iyo Golaha Shacabka uga tacsiyadeynayaa geerida Allaha ha u naxriistee Xildhibaan Axmed Casoowe oo ka mid ahaa Xildhibaannada Golaha Shacabka, waxaan Alle uga baryayaa in naxriistii janno ka waraabiyo dhamaanteenana uu samir iyo iimaan inaga wada siiyo” ayuu yiri Guddoomiyaha Golaha Shacabka.
Allaha u naxriistee Xildhibaan Axmed Dhimbil Rooble (Casoowe) ayaa ka mid ahaa Xildhibaannada Golaha Shacabka ee Baarlamaanka 10-aad.
INNAA LILLAAH WAA INNAA ILLEEHI RAAJICUUN
