Wasaaradda Waxbarashada ee dalka Senegal ayaa sheegtay inay xiri doonaaan goobaha waxbrashada ilaa laga gaaro 15ka bishaan March kaddib mudaaharaadyo rabshado wata oo maalmahaan ka socday qeybo ka mid ah caasimadda dalkaas ee Dakar.
Ugu yaraan shan qof ayaa lagu dilay banaanbaxyada ka dhashay xarigga siyaasiga mucaaradka ah ee lagu magacaabo Cismaan Sonko.
Siyaasigaan la xiray Arbacadii hore ayaa lagu soo eedeeyay kufsi, waxaana lasoo taagay maxkamad.
Bannaan baxayaaasha ayaa ballan qaaday inay sii wadi doonaan mudaaharaadyada inta laga soo deynayo Cismaan Sonko.
Cismaan Sonko ayaa kaalinta seddexaad ka galay doorashadii Senegal ka dhacday sanadkii 2019.
