Ra’iisul Wasaaraha Xukuumadda Federaalka Soomaaliya mudane Maxamed Xuseen Rooble ayaa cambaareeyay falkii argagixisanimo ee caawa fiidkii uu dhagarqabe ka tirsan maleeshiyada Al-Shabaab uu ku xasuuqay dhallinyaro goob ku qaxweyneysay, halkaasi oo ay ku dhinteen 5 dhallinyaro ah oo uu ku jiray canug yar oo saqiir ah.
Ra’iisul Wasaaraha Soomaaliya ayaa Ummadda Soomaaliyeed uga tacsiyadeeyay dadkii ku nafwaayay weerarka, isagoo Alle uga baryay inuu u bongo dhayo dadki kale ee ku dhaawacmay.
“Waan cambaareynayaa falka argagixisada Al-Shabaab ku laayeen dhallinyaro ku fiidsaneysay Muqdisho. Waa bahalnimo kale oo muujineysa sida ay argagixisada uga go’an tahay ciribtirka bulshada iyo mustaqbalka dalka. Allaha u naxariisto intii dhimatay, dhaawacyada Allaha bogsiiyo, eheladana Samir iyo Iimaan.” ayuu yiri Ra’iisul Wasaare Rooble.
