Dowladda Japan, oo lacag soo marineysa iskaashiga wada-shaqeynta ah ee ay la leedahay UNICEF, ayaa ku deeqdey ku dhowaad $900,000 oo ah deeq degdeg ah oo lagu sii wanaajinayo maareynta qaboojiyeyaasha Tallaalka COVID-19 ee Soomaaliya.
Related posts
Maaliyaddan ayaa gacan ka geysaneysa soo iibinta qalabka qaboojinta tallaalka/cold chair equipment (CCE) oo loo soo iibinaayo 33 xarumood oo ka mid ah xarumaha caafimaadka oo ka soo bixi kara shuruudaha looga baahan yahay tallaalka COVID-19, shaqaalaha caafimaadka iyo farsamo-yaqaannada qalabka caafimaadka ayaa lagu tababari doonaa adeegsiga iyo dayactirka/gacan-ku-haynta qalabka CCE.
Waxaa la qiyaasayaa in 3 milyan oo qof ay ka faaโiideysan doonaan qaaraankan.
โJapan ayaa gacan ka geysaneysa sii-wanaajinta waaxda caafimaadka ee Soomaaliya, iyada oo bixineysa barnaamijyo tababar iyo qalab caafimaad,โ ayuu yiri mudane HORIE Ryoich, oo ah Safiirka Japan ee Soomaaliya.
Japan ayaa xoogga saareysa gacan-ka-geysashada sidii loo sii wanaajin lahaa barnaamijyada tallaalka ee guud ahaan dunida, iyada oo $200 milyan oo doolar ku biirisay qaaraanka loogu talogaley tas-hiilaadka COVAX.
Deeqdan ayaa qayb ka ahaan doonta taageerada guud ee ay UNICEF siineyso Wasaaradda Caafimaadka si ay dalka uga fuliso mid ka mid ah ololayaashii tallaalka ee ugu ballaarnaa ee abid laga hirgeliyo dalka.
Hayโadda caafimaadka adduunka ayaa sidoo kale dowladda gacan ka siineysa in shaqaalaha caafimaadka loo tababaro sidii ay u maareyn lahaayen habsi u socodkaย tallaalka, korjoogteynta ka-faaโiideysigiisaย iyo isla-xisaabtanka.
โUNICEF waxay Dowladda Japan iyo dadka reer Japan mahad weyn uga haysaa taageerada joogtada ah ee ay siiyaan Soomaaliya,โ ayuu yiri Mohamed Ayoya, oo ah Wakiilka UNICEF Soomaaliya.
