Munaasabadda furitaanka kalfadhiga 48aad Ee Baarlamaanka Puntland waxaa Madaxweynaha kala qeybgalay Madaxweyne Ku-Xigeenka Puntland Axmed Cilmi Cismaan Karaash, Guddoonka Baarlamaanka Baarlamaanka Puntland Mudaneyaasha Baarlamaanka, Xubno ka mid ah Golaha Wasiirada, Madax ka socotay ururada Bulshada Rayidka ah iyo Marti sharaf kale.
Guddoomiyaha Baarlamaanka Puntland Mudane Cabdirashiid Yusuf Jabriil oo ka hadlayay furitaanki Kalfadhiga 48aad ee Baarlamaanka Puntland ayaa xusay shaqooyinkii adkaa oo ay soo qabteen Guddiyada Baarlamaanka Puntland mudadadi u dhaxaysay labada kalfadhi iyo waajibaadka shaqo ee horyaala Baarlamaanka Puntland.
Madaxwayne Dani oo Jeedinayay Khudbadiisii Dastuuriga ahayd ee furitaanka kanfadhigaani ayaa Baarlamaanka la wadaagay waxqabad yadii kala duwanaa oo ay Xukuumadiisu ka gaartay dhinacyada Amniga, Dimuqraadiyadda, arrimaha bulshada, Kaabayaasha dhaqaalaha, Barnaamijka horumarinta Degmooyinka iyo Doorka Puntland ee Arrimaha Federaalka iyo Doorashada Soomaaliya ee Soosocota.
Madaxwaynaha Puntland ayaa Cadeeyay in Socodsiinta iyo isticmaalka lacagta shilling Soomaaliya ahi ay noqotay Caqabad taagan tilmaamayna in aan waqtigaani loo heyn xalwaara arrintaasi waana mid saamayn Muuqata ku reebtay Bulshada Puntland taabatayna nolosha danyarta.
