Ciidamada Xoogga Dalka Soomaaliya ayaa maleeshiyaadka Al-Shabaab qasaare xoogan ku gaarsiideyey deegaanka Orshe oo dhanka bari 50km ka xiga Magaalada Dhusamareb , deegaanka ayaa hada waxaa si buuxda gabacta ugu haya ciidamada Xoogga waxaana halkaasi hada yaala maydadka kooxaha nabadiidka Al-Shabaab waxaana laga furtay hubkii iyo saadkii.
Argagixisada Al-Shabaab ayaa dadka xoolada dhaqtada ah halkaasi ku dhibaatayn jiray waxa ayna ka qaadayeen Lacago iyo xoolo baad ah.
Howlgalkan saaka nabadiidka qasaaraha lagu gaarsiiyey ayaa Qayb ka ah howlgalo qorshaysan oo argagixisada looga saarayo deegaanada ay shacabka ku dhibaataynayeen.
