Wasiirka Dhallinyarada ee Soomaaliya, Wasiirka shaqada iyo Arrimaha Bulshada Soomaaliya iyo Wasiir ku-xigeenka Wasaaradda Caafimaadka ee Xukuumadda Federaalka Soomaaliya ayaa caawa Isbitaalka Erdugan ku booqday ciyaartoydii ku soo dhaawacantay weerarkii argagixisonimo ee shalay ka dhacay magaalada Kismaayo, kuwaasi oo labo ka mid ah la keenay Muqdisho.
Wasiirka shaqada iyo Arrimaha Bulshada ee Xukuumadda Federaalka Soomaaliya Mudane Cabdiwahaab Ugaas Xuseen oo cambaareeyay falkii foosha xumaa ee ay argagixisada Al-Shabaab ka geysteen Kismaayo ee lagula eegtay ciyaartooyda ayaa sheegay in labada dhallinyarada ah ay iminka ku jiraan gacan wanaagsan oo ay xaaladooda caafimaad ay la tacaalayaan dhakhaatiirta Isbitaalka.
Related posts
Wasiir ku-xigeenka caafimaadka ee Xukuumadda Federaalka Soomaaliya Dr Axmed Xuseen Macalin oo ka hadlayay dhallinyarada la keenay Muqdisho uu mid ka mid ah hadda ku jiro qolka saalada qaliinka, halka kan kalana ay ku jiraan jirkiisa firirro badan, isagoo u rajeeyey inay bogsadaan.
Wasiirka dhallinyarada iyo Cayaaraha ee Xukuumadda Federaalka Soomaaliya Mudane Xamsa Saciid Xamsa oo ka mahadceliyay dadkii gacanta ka geystay in dhallinyarada dhaawaca ah la soo gaaraiiyo Muqdisho ayaa sheegay inay garab taaganyihiin oo ay diyaar u yihiin inay ka warqabaan xaaladooda xaaladooda caafimaad.
