Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble ayaa bogaadiyey sida Madaxweynaha Koonfur Galbeed iyo Guddiga Hirgelinta Doorashada heer dowlad Goboleed ee Koonfur Galbeed ay u soo saareen jadwalka arrimaha Doorashada iyo soo gudbinta liiska magacyada u tartamaya Doorashada kuraasta Aqalka Sare.
Ra’iisul Wasaare Rooble ayaa rajo wanaagsan ka muujiyey in Doorashada ay ku qabsoonto jawi nabdoon oo hufan.
“Waxaan Madaxweyne Laftagareen iyo guddiga doorashada Koofur Galbeed ku bogaadinayaa soo saarista jadwalka doorashada xubnaha Aqalka Sare iyo liiskooda, anigoo u rajeynaya in doorashadu ay ku qabsoonto jawi nabdoon oo hufan”. Ayuu yiri Ra’iisul Wasaare Rooble.
