Munaasabadaan lagu xusayay maalinta dhalinyarada aduunka ayaa Waxaa ka qeyb galay Mas’uuliyiiin ka tirsan Galmudug maamulka Magaalada Dhuusamareeb, xubno ka socday wasaarada dhalinyarada iyo ciyaaraha Galmudug, Masuuliyiin ka tirsan ururka dhalinyarada Galmudug, iyo marti Sharaf kala duwan.
Masuuliyiintii iyo Xubnihii ka socday Ururada dhalinyarada ayaa ka hadlay Ahmiyada maalintan ay u leedahay dhalinyarada,
Gudoomiyaha ururka dhalinyarada Dhuusamareeb Calas Cabdinuur Barre ayaa Hambalyo u dirtay dhamaan dhalinyarada Soomaaliyeed oo udabaal degayo Maalinta dhalinyarada aduunka.
Sidoo kale xubnaha kale ee goobta ka hadlay waxaa ka mid ahaa Caruuse Macalin Maxamed guddomiyaha ururka Dhallinyarada Galmudug waxaana ay kula dar-daarantay dhalinyarada Soomaaliyeed inay ka shaqeeyaan Nabadda iyo hormarinta Dalka, isla markaana door ku yeeshaan siyaasada si loo gaaro in Dhalinyaradu hesho cod dhameystiran.
