Ciidamada Daraawiishta Galmudug iyo kuwa degaanka ayaa maanta la wareegay Saldhiggii ugu weyna Al-shabaab ay ku lahayeen aagga degaanka Caad ee Koonfurta Gobolka Mudug, isla markaana ay ka soo abaabuli jireen qaraxyada ay ku waxyeeleyaan Shacabka Soomaaliyeed.
Ciidanka la wareegay goobahaan ayaa waxaa hoggaaminayay Taliyaha Ciidanka ururka Horseed Gaashaanle Maxamed Cali Salaad iyo Saraakiil kale waxaana dagaal kooban oo halkaas ku dhex maray Ciidamada Daraawiishta iyo Al-shabaab Khasaare xooggan ayaana gaaray maleeshiyaadka Argagixisada, iyadoo dhammaan la burburiyay fariisimihii kooxda halkaas ay ku lahayeen.
Saraakiisha hoggaaminaysa Howlgalkaan ayaa noo xaqiijiyay inaysan jiri qasaare Ciidamada ka soo gaaray howlgalka isla markaana ay ku guulaysteen qorshihii Howlgalka. 
