Munaasabadda oo aheyd mid looga hadlayay xoojinta Waxabarashada ubadka Soomaaliyeed sidoo kalana lagu dhiiri galiniyay arday sanadkaan dhameysatay waxbaarshadooda dugsiga dhaxe, kuwaas oo wax ka baranayay dugsiga hoose dhaxe ee Geeska afrika ee magaalada Gaalkacyo ayaa waxaa ka qeyb galay mas’uuliyiin ka tirsan kuwa dowlad gobaleedka Galmudug Aqoonyanaho, waalidiin iyio marti sharaf kale.
Xuseen Aadan Ibraahim oo ku hadlayay magaca maamulka iyo ardayda dugsiga hoose dhaxe iyo sare ee Horn Afric ayaa tilmaamay ahmiyadda munaasabadaan ay u leedahay horumarinta Waxbarashada, isagoo dhiiri gelin ujeediyay ardayda.
Related posts
Waalidiin iyo Aqoon yahano madasha ka hadlay ayaa bogaadiyay dadaalka Waxbarshada ay u galeen maamulka iyo macalimiinta iskuulka Horn Afric, iyagoo xusay in ay tahay howsha ay qabteen mid ku dayasho mudan kuwaas oo dhinaca kalana dar daaran ujeediyay ardaydii sanadkaan ku baastay imtixaanka ee ka baxday iskuulka Horn Afric
Ugu danbeyna Maayar ku xigeenka dagmada Galkacyo injineer Maxamed cabdi Cilmi ayaa mahad celin iyo dar daaran dher kadib sheegay in maamulka dagmadu uu door ka qaadan doono dhismaha xarun rasmi ah oo uu yeesho iskuulka Horn Afrik oo haatan ka mida dugsiyada ay ka muuqanayaan horumarada dhanka Waxbarshada balse uu ku jira xarumo kiro ah
