Munaasabadan oo loogu dabaal dagayay sanad jirsiga dadaalka waxbarasho ee miyiga iyo u mahad celinta Dalada Dhalinyarada Gargaar oo qayb ka aheyd mudadaasi howlaha kor u qaadida Wacyigalinta, waxbarashada iyo Caafimaadka Bulshada ayay ka qayb galeen Wasiiro, Madaxda Maamulka Dhuusamareeb, aqoonyahano iyo qaybo kale oo bulshada ka mid ah.
Axmed gaalodiid oo ah Gudoomiyaha Ururka Gargaar ee mudadaasi sanadka ah kala shaqeynayay wasaaradda Waxbarashada Galmudug howlaha kobcinta waxbarashada miyiga ayaa xusey in dhamaan dhinacyada ay xoogga saaranyeen uga gol leeyihiin abuurista bulsho kawada hadli karta danohooda.
Related posts
Gudoomiyaha Dhuusamareeb Macalin Cabdiraxmaan Geedaqoroow oo uga mahad celiyay dhamaanba dhalinyarada ka qayb gaadatey mudadaasi sanadka ah waxtarida bulshada reer miyiga ah ayaa ugu baaqey Wasaaraddaha Galmudug in fursadaha ay bixinayaan uga faa’iideeyaan dhalinyarada iyo dadka kale ee sida mutada-wacnimada ah ugu adeegaya dadkooda.
Ugu danbeyn wasiirka waxbarashada Galmudug Maxamed Xaashi Dhoore ayaa ugu baaqey dhamaanba ururada la midka ah Gargaar in ay sii labo jibaaraan shaqada ay ka hayaan miyiga fog.
