Wasiiro ka tirsan Dowlad Goboleedka Koonfur Galbeed Soomaaliya oo ka qeyb galay xaflad lagu soo dhaweeynayay Senator Xuseen Maxamed Daahir oo ahaa Agaasimihii hore ee Wasaaradda Caafimaadka Koonfur Galbeed oo noqday Senator ka tirsan Golaha Aqalka Sare, kaasi oo Baydhabo lagu qabtey.
Xafladda waxaa kaloo ka qeyb galay Wasiirada Wasaaraddaha Caafimaadka, Waxbarashada ee Koonfur Galbeed, Agaasimayaal Guud, mas’uuliyiin kale iyo qeybaha kaladuwan ee Bulshada, kuwaasi oo qiray kaalintii uu ka geystay Wasaaradda Caafimaadka.
Senator Xuseen Maxamed Daahir oo ugu dambeyn ka hadlay madasha ayaa u mahadceliyey shaqaalaha Wasaaradda Caafimaadka iyo maamulka Wasaaradda intuba sida ay ula shaqeeyeen iyo sidoo kale Madaxdii xafladda ka qeyb gashay.
Wuxuu hadalkiisa kusoo gunaanaday dhacdadii ka dhacday Laas-caanood oo uu sheegay in ay dad badan kahadleen hadana ay u baahan tahay in laga dhabeeyo sidii loogu gargaari lahaa dadkii meesha laga soo musaafuriyay.
