Wasiirka Wasaaradda Xanaanada Xoolaha Dhirta iyo Daaqa Dowlad Goboleedka Jubbaland mudane Maxamed Nuur Cali oo u waramay Radio Muqdisho ayaa sheegay in xoolaha u dhintay abaarta iyo xanuunada ka jira deegaanada Jubbaland ay kor u dhaafayaan Sodon iyo labo Kun Neef.
Wasiir Maxamed ayaa xusay in Wasaaraddu ay soo bandhigtay xaalado abaareed ee ka jirta deegaanno ka tirsan Jubbaland, isagoo xusay in xoolaha ay u la’deen abaar.
“Deegaanno ka tirsan Gobolka Gedo ayay jirtaa abaarta ugu badan, halkaas ayaana xoolo badan ay ku dishay, waxaa kaloo jirta cuduro ku dhacay xoolaha oo aan qorsheyneyno in loo helo qorshe wax looga qabanayo arrintan”. Ayuu yiri Wasiirka Xanaanada Xoolaha Jubbaland.
Wasiirka Wasaaradda Xanaanada Xoolaha Dhirta iyo Daaqa Dowlad Goboleedka Jubbaland mudane Maxamed Nuur Cali ayaa ugu baaqay ganacsatada inay gacan ka geystaan sidii wax loogu qaban lahaa dadka xoola dhaqatda ah ee ay abaartu saameysay, Wasaaradduna ay gacan weyn ka geysan doonto arrintaas.
