Wasiir Dowlaha ahna Ku-simaha Wasiirka Wasaaradda arrimaha gudaha, Federaalka iyo Dib-u-Heshiisiinta Galmudug Mudane Axmed Xasan Cali (Axmed-dheere) ayaa tababar u furay Golaha Deegaanka Degmada Gaalkacyo.
Tababarkan oo socodona muddo 11 maalin ah ayaa waxa lagu baranayaa ka wada qeyb galka Qorshaha Maareynta kharashka Dowladda ee Golaha Deegaanka degmada Gaalkacyo.
Agaasimaha Guuud Wasaaradda Arrimaha Gudaha Galmudug, Agaasimaha waaxda Dowladda Hoose ee Wasaaradda Arrimaha Gudaha Federaalka, Duqa Degmada Gaalkacyo Galmudug, qaar ka mid ah shaqaalaha dowladda Hoose Galkacyo iyo xubnaha Golaha deegaanka Degmada Gaalkacyo ayaa ka qayb galay xafladda furitaanka tababarkaan.
Golaha Deegaanka oo ugu horeeyo Duqa Degmada Gaalkacyo Mudane Cabdiraxmaan Sheekh Xasan ayaa ka mahadceliyay tabarkaan oo ay sheegeen in uu aad muhiim ugu ahaa Maamulka Gaalkacyo, ayagoo codsaday in la siyaadiyo tababarada nuucaan oo kale ah.
Ugu Danbayn Agaasimaha guud ee Wasaaradda Arrimaha Gudaha Galmudug ayaa balan qaaday in tabarada nuucaan oo kale ah iyo guud ahaan mashaariicaha lagu horumarinayo Dowladaha Hoose la siyaadin doono.
