Deeq Raashin ah oo lagu wareejiyey Guddiga loo xilsaaray taakuleynta dadkii ka barakacay Magaalada Guriceel. Waxaa iska soo aruuriyey Ganacsatada iyo bulshada reer Koofur-Galbeed ee ku nool Magaalada Dhuusamareeb, waxayna ugu talagaleen inay uga qayb qaataan Caawimaada Dadka Guriceel.
Xildhibaan Cismaan Muqtaar Nuunow oo ah Xildhibaan Bulshada Koofur Galbeed ku Matala Baarlamaanka Galmudug ayaa ku wareejiyey Guddiga Gurmadka loo samaynayo Dadka Guriceel ka qaxay.
Cumar Dheere oo Xubin ka ah Guddiga kana mida Ganacsatada Magaalada Dhusamareb ayaa kala wareegay waxa uuna sheegay inay ku dari doonaan Deeqaha kale ee Magaalada laga aruuriyey ayna ku wareejin doonaan Maamulka Magaalada Dhuusamareeb,si dadkii loogu talagalay loo gaarsiiyo.
Magaalada Dhusamareb ayaa waxaa ka socda u gurmashada dadkii ku barakacay dhibatadii dhawaan ka dhacday Gurceel oo ku dhibaataysan hareeraha Magaalada Guriceel oo Muddo ka Maqan Guryahooda.
