Wasiirka Amniga Gudaha Xukuumadda Fedeeraaka Soomaaliya Mudane Cabdullaahi Maxamed Nuur ayaa shir guddoomiyay shirka todobaadlaha ee Hey’adda Socdaalka iyo Jinsiyadda Soomaaliya oo ka dhacay xarunta dhexe ee hay’adda ku leedahey Magaalada Muqdisho.
Wasiirka Amniga ayaa warbixino ka dhageystay Agaasimaha Guud ee Hey’adda Socdaalka iyo Jinsiyadda, Ku-xigeenada, iyo Agaasime waaxeedyada Hey’adda. Shirka ayaa lagu soo bandhigey warbixinada shaqo ee toddobaadkii la soo dhafaay iyo qorshayaasha toddobaadka soo socda.
Shirka waxaa sidoo kale goobjoog ahaa Wasiiru dowlaha Amniga Gudaha Mudane Farxaan Cali Axmed iyo Agaasimaha Guud ee Wasaaradda Amniga Gudaha Mudane Yuusuf Cali Maxamed.
Wasiirka Amniga Gudaha Xukuumadda Fedeeraaka Soomaaliya Cabdullaahi Maxamed Nuur ayaa mahadcelin iyo bogaadin u soo jeediyay Madaxda iyo Saraakiisha HSJ shaqada adag ay qaranka u hayaan, isagoo xusay inuu xog ogaal u yahay duruufaha adag ay ku shaqeeyaan howlwadeenada Hey’addu. Ugu dambeyn Wasiirka ayaa kula dardaarmay Agaasinka Guud iyo Agaasimayaasha waaxyaya in la joogteeyo shaqada isla markaana muujiyaan howlkarnimo iyo feejinnaan dheeri.
