Haweenka ku ganacsatada suuqa khudaarta magaalada Waajid oo ka cabanaya sida ganacsigooda u saameeyey Hilib la’aanta iyo go’doonka saaran waddooyinka soo gala magaalada waajid.
Goobaha ay ka midka yihiin kawaanka hilibka lagu iibiyo iyo miisaska yar yar ee khudaarta degmada Waajid waa meelaha ugu badan ee haweenka ay ku ganacsadaan, hase ahaatee waxa ay ka baaqayaan suuq la’aan oo waxa ciriiri ku jiray keenista xoolaha maadaama magaalada go’doon ku jirta, hadana ay ugu darsantay daaq la’aan iyo biyo la’aanta oo xoolaha ku sababtay in ay caato noqdaa. Dadkii khudaarta cagaaran ku beeranayayna beeraha khudaarta xaafadaha magaalada Waajidna roob la’aanta iyo biyo yarida ka saamaysay taas waxay kor u qaaday in sicir barar ku yimaado qiimaha hilibka iyo khudaarta.
Qaar ka mid ah haweenka ku ganacsada kawaanka ayaa ka warbixiyey isbedelka ay dareemayaan, waxaana hay’adaha ka codsadeen in ganacsiga lookabo si nolol maameedka qoyska ay u dabaraan maadaama haweenka Soomaaliyeed intooda badan ay yihiin kuwo u taagan soosaarida nolosha qoyska.
Inkastoo xaalado adag oo dhanka nolosha ay wajahayaan bulshada ku nool gudaha magaalada Waajid hadana maalin walba waxa ku soo qul qulaya barakacayaal hor leh oo deegaanadooda uga soo barakacaya abaarta iyo dhibaatada ay ku hayaan maleeshiyaadka Al-Shabaab.
